Mirrors 2

Social

Release Date	Mar 25, 2017
Views	4235489
Duration	5:44
Artists	Redstar Radi, El Psychiatre
Album	Back to the Roots
Track Nb	6 / 12

[اللازمة : البسيكياتر]
عقول محنطة وقلوب الناس صارت جبانة .. جبانة
النفس متسلطة والروح في البدن محبوسة أمانة .. أمانة
مصيرها ترجع للعزيز الخالق مولانا .. مولانا
مصيرها ترجع للعزيز الخالق مولانا .. مولانا

[المقطع الأول : رادستار رادي]
شرور في نفوس
بلاد تمرطيق و اني منبوز
تي خلي هكاكة شرتهم لفلوس
قوم الفسيق و اني المنحوس
الي مروفز الشاك دنيا دروس
تو الحريق شي بالملموس
اتقي مولاك بليس منزوس
فقر طريقك كي تتسوى الروس
ما تلقاه حذاك داك و شواك
الراد مش الغير
تروض لحنوشة بقى ماهو فكير
يمشي و يلمد تقول جابد بذكير
الناس ما عرفتو متسمي لعشير
و غدوة مش خير كي الجد مسروق
مدام فنيان و يموت عالحلوق
انتي ما تجرب لا تحصل كي تذوق
لا تراصي كي الباقي مدفون فصندوق
بلاد طربوق شعندك تقلي
ما عاد تميز بين عاصي و مصلي
اني ما نزيدك ما تلوج توصلي
خاطرني لا كسبت لا حابب يفضلي
تي هانك تغزرلي جول في الارض
منا من غادي بالطول بالعرض
لا مخلص عالخدمة لا مستني القرض
كلو لابن ادم بش يشفى مالمرض
(تقيم فيها الفرض (دنيا فتانة
شي ما يدوم اما رجوعنا لمولانا
تلومش عالوقت الي هاكا خلانا
تلوم عالنفس الي عاصية مدانة

[الفاصل 1 : البسيكياتر]
مآسي .. ابن ادم خان الروح و الامانة
ابلادي .. راكبها شيطان ولات شيطانة
معاصي .. و شواطن مالسرى ساكن راسي
انا قاسي .. زربو لاعز صحابي و ناسي
مش ناسي .. ثنية الشر يريدها الشيطان مزيانة

[المقطع الثاني : رادستار رادي]
صحاب ما تسد لا والد لا ولد
لا تسترجى حد يعبيلك ميزان وقت يجد الجد
وقت الي تشتد ما تلقى سند بخلاف الرحمان
واحد احد رب الصمد الي واخو الي ماد سبحانو المنان
كون مستعد لليوم للغد في اي بلد مع كل انسان So
الفطرة ايمان و الكفر دخيل
صلاتك عنوان و ماليك بديل
تعيش في الدنيا كعابر سبيل
و حسبك الله و نعم الوكيل
تحب الدليل شكون هز معاك
مالك سلطان تي الكل خلى وراه
بن ادم وحيد كي تراب غطاه
في الحفرة بافعالو يستنى قضاه
شقدم شعمل كلو مكتوب عليه يتسال
و كل شي بجزاه كي تعز كي تذل
كي طلع مطلوب على خاترو زول و الرب ابتلاه
كيف خيرو زاد قل كيف عبى جيوب
مالحرام ما مل ولا تاب لمولاه
كي ضاع و ما سال كي سوادت لقلوب
و عاشر لهمل زاد عمرو عداه
شلم ما لڨاه كيف كان موجود
مال البشر و الا كان حسود
غلبو شيطانو لي مكبلو في قيود
ليوم ما نفعوا كي تمد للدود
في الجنة الخلود دنيا امتحان
كلو مذكور فالهولي قرآن
عبد مخطوء خطا غلطان
و اني لي نغني من حملي لي رزان

[الفاصل 2 : البسيكياتر]
سهر بحر و لا في كرم مش كي الخطوة زينة
عاديت زهر بين العاصف و رايس سفينة
ربي معاه برضاية والدي دعونة لحنينة

[اللازمة : البسيكياتر]
عقول محنطة وقلوب الناس صارت جبانة .. جبانة
النفس متسلطة والروح في البدن محبوسة أمانة .. أمانة
مصيرها ترجع للعزيز الخالق مولانا .. مولانا
مصيرها ترجع للعزيز الخالق مولانا .. مولانا